broken heart pic

My New Ghazal—->”INTEHAA ABHI BAAQI HAI”(the limit is yet to come)

My New Ghazal—->”INTEHAA ABHI BAAQI HAI”

Jal gaye Mere Armaan Saare Par Dhuaa(n) abhi Baaqi hai,
Juda hai Meri Rooh Mujhse phir bhi Jaa(n) abhi Baaqi hai.

Mere Dil Jigar Jaan Me Meri Saanson me Meri Aaanhon Me,
Aur Kya Kahun Ki Wo Mujh me Kahan Kahan abhi Baaqi hai.

Ya khuda Nahi kee Uff Maine Tere Kisi Imtehaa(n) Pe Lekin,
Bata de bas Itna ki Kitne Aur Imtehaa(n) abhi Baaqi hain.

Ghabrane Lagi hai Meri Qismat bhi Dekhke Junoon-e-Ishq Mera,
Aey Qismat ! Ye To Sirf Ibteda Hai , Intehaa abhi Baaqi hai.

Maana Bujhte Dikh Rahe Meri Ummeedon Ke Chiragh Sabhi,
Par Mere Dil Me Jal Rahi Ummeed Ki Shamaa abhi Baaqi hai.

Hongey Gar Hazaar Tukdey Mere Dil ke To har Tukda Bolega,
Ki ‘Aatif ‘me Usey Paane Ka Wohi Jazbaa Abhi Baaqi hai.

a Ghazal Composed By SYED SABAH UR REHMAN-Aatif’

7 thoughts on “My New Ghazal—->”INTEHAA ABHI BAAQI HAI”(the limit is yet to come)”

Leave a Reply