MY new Ghazal—->”SABR”

“SABR”
Baad Sabr ke miley kuchh to kuchh aur Maza hai usey Paane me,
Hote hain Kaafi Kabhi Aansun Bhi kisi Badi Aag ko Bujhaane me.

Idhar Ro-Ro kar Dete hain hum Khuda ke Sabr Ke Imtehaan ko,
Udhar Masroof Rahta hai Khuda Hamare Sabr ka Hisaab Lagaane me,

Chukaata hai Khuda Poori Qeemat Apney Liye sabr ke Imtehaan ki,
Thoda Waqt lagta hai to bas Imtehaan ke Nateeje ko Aane me.

Taraste rahte hain hum Jis cheez ko Paane ke liye Zindagi bhar,
Wohi cheez jab miley to Kitna Maza Aata hai Khud hi ko Rulane me.

Aksar Bheed ke saath bhi mehsoos karte hain khud ko Akela hum,
Par saath ho Jazba-e-sabra to Nahi rahta koi Tanha Veeraane me.

hona chahiye Shukra Guzaar khuda ka Maujooda khushiyon ka hame,
Ki Akasar Muddat lag Jaati hai logon ko zara sa Muskuraane me.

Hai Guzarish Ki de de Sila ab to Aey khuda ‘Aatif’ ke Sabr ka bhi,
ki Kahin Beet na jaye Saari Umar Sabr se hi Rishta Nibhaane me.

A Ghazal Composed by Syed sabah ur Rehman-‘Aatif’

BUY TITAN OCTANE GREY DIAL MEN’S WATCH ON AMZON.IN

81ixzlrqy8l-_ul1500_

an Inspirational Ghazal:-“RAASTEY”

Title:”-RAASTEY”

Miltey Nahi Jab Raastey Dhoondne se to khud se Banaye Jaate hain,
Jaltey Nahin jab Diye Aag se to Ummedon se jalaaye jaate hain.

Maana Nahi pahunchti Kashti Saahil pe bina Maajhi ke kabhi,
Par Aksar Maujon se bhi to Kashti aur Kinaare Milaaye Jaate hain.

Thak jaate hain Kuchh Log Manzil ke Aadhe Safar me pahuchkar,
Par Jazba-e-Junoon se Manzilon Ke Faasle Mitaaye Jaate hain.

Yun to Nahi Miltey Haqeeqat me Zameen aur Aasmaan kabhi,
par hai kuch Aise Buland darakht jo Aasman ko zameen pe jhukaye jaate hain.

Rote rahte hain kuchh log zinadagi bhar Apne ghamon Ko lekar,
Par kuchh Apne ghamon se hi apni Mehfilen Sajaaye jaate hain.

Ab to sikhane Laga hai Aey ‘Aatif’ tu Tarkeebein dard sahne ki,
Ki Kaise Hanste hue Halaaton ke nashtar Seene pe Khaye jaate hain.

a Ghazal writen by:-SYED SABAH UR REHMAN-“Aatif”

My Ghazal–>”QURBAAN HUA”

TITLE:- QURBAAn HUA


Zamaane Ki Khaatir Khud ko bahut Jalaa ke dekha,
Usi zamaane ko Meri Aag se Diye Jalaate dekha.


Hua jab bhi Zikra Dushmanon ka Mere,
To mere Apnon ko mujhse Nazrein Churate dekha.

Nahi dooba koi Ashqon ke Samandar me Mere,
Maine Bekaar hi apne Ashqon ko Baha ke dekha.


Kya karun Nahi Chhoot ti Qurbaa Hone ki Fitrat Meri,
Nahi Maanta ye Dil is Dil ko bahut samjhake dekha.


bhara jis jisne seene me Zehar mere,
Maine usko bhi apne Seene se laga ke dekha.


Aaakhir ban hi Gaya Dil Aaj Patthar ka tera ‘Aatif’,
Ki Sabne Pairon se jo isko Khoob Daba ke dekha.

a Ghazal composed by SYED SABAH UR REHMAN-“Aatif”

“Aahista – Aahista”

“Aahista – Aahista”
Ya Rab Chad Raha hai Mujh pe Ye Kiska Asar Aahista Aahista,
Mera dil De Raha hai Mujhe Ye kis ki Khabar Aahista Aahista.

Ab Tak Bada Bemaani sa Ja Raha tha Safar Zindagi ka,
Par ab kyun lag Raha hai Suhaana ye Safar Aahista Aahista.

Chhod di thi Maine To Ummeed Raat Khatm Hone ki,
par ab Hoti Dikh Rahai hai Mujhe Sehar Aahista Aahista.

Us Pehli Mulaqaat Me Samjha Nahi ki Ye Kya ho Raha Mujhe,
Samjha Tab Jab Aane Laga Aaene me Wo Nazar Aahista Aahista .

Mere Izhaar Pe Jab Sharma ke Palkein Jhuka Lin Usne,
To karne Laga Madhosh Mujhe wo Manzar Aahista Aahista .

Roke Rakha hai Jo Uske Naam ka Samandar Apni Aankhon me,
Lipat ke Seene Se Uske Baha dunga Wo Samandar Aahista Aahista.

Khul ke Saamney Aane Lagega Dheere Dheere Chehra Uska,
Cheerega Jaise Jaise Koi Jab ‘Aatif’ Ka Jigar Aahista Aahista.

A Ghazal Composed By Syed Sabah ur Rehman-‘Aatif’ 

My Ghazal—>”KUCHH IS TARAH…”

My new Ghazal—>”KUCHH IS TARAH…”

Kuchh Is Tarah se Tod de Khud ko Tu Meri Baahon me 
Ki Mil jaye Sukoon aur Qaraar Tujhe Khokar Meri Aahon me.

Roshan Karne Teri Zindagi Jala Lunga khud Ko Kuch is Tarah,
Ki Ghulengi Wo Roshni Teri Zindagi Me jo Milti Nahi Chiraghon me.

Kuchh Is Tarah se Mila de Teri Nazar Meri Nazar se Tu,
Ki Dikhne Lage Tujhe Khud ka Chehra Meri Nigaahon me.

Kuchh Is Tarah se Bachaunga Tere Qadmon ko Kaanton se main,
KI dikhenge Khaar Jahan pe wahan bichha dunga khudko Teri Rahon me.

Kuchh Is Tarah se Khada Rahunga Gham aur Tere Darmiyaan Main,
Ki Aate Rahengen Teri Taraf Badhte Saare Gham Meri Panaahon me.

Pad Jayega Mera Jism Neela Peekar Saara Zehar Teri Zindagi ka,
Bas Kuchh Is Tarah se Pehchan Legi Apne ‘Aatif’ ko Tu Hazaaron me.

A Ghazal composed by Syed Sabah ur Rehman – ‘Aatif’

“HAN YE MOHABBAT HAI”

My New Ghazal—–> “HAN YE MOHABBAT HAI” (a Romantic Ghazal)

Hota hai Jab Zikra-e-Mohabbat to Naam Zehan me Tera Aata hai,
Mohabbat Mayne Sirf Tu hai Mujhe To bas Inta Samajh Aata hai .

Main khud bhi Aazma Leta hun Apni Mohabbat ki Dewangi Kabhi,
Ki band Karun Jaise hi Aankhen To Chehra Tera Nazar Aata hai.

Hai Mujhko is Baat ka Ahsaas ki Maujood nahi hai Paas Tu mere,
To Phir Pehlu me Baitha ho Tu Jaise dil ye Kyun Ahsaas Karata hai.

Mar Jaaye Jo Kisi ki Yaad Me Usey Deewaana Kahte Hain Log,
To Phir Marey Jo Har Lamha Kisi ke Liye Wo Kya Kahlaata hai.

Chahey Laakh Khafa Rahun Tujhse Main Teri Kisi Baat Se Lekin,
Dekhta Hun Jaise hi Soorat Teri To Phir Pyaar Aa Jaata hai.

Peeye Itne Ashq Teri Aankhon Se Maine Ki ab To Ye Aalam hai,
Ki Udhar Jab Roti Tu hai To Idhar ‘Aatif’ Aansun Bahaata hai.

A Ghazal Composed By Syed Sabah ur Rehman-‘Aatif’

 

Highly Romantic Ghazal—> ###”HAI GUZARISH”###

 My New Ghazal—–> “HAI GUZARISH…..” (a Romantic Ghazal)

Badi Mehnat Se Dobaara Mohabbat Karne ki Himmat Jutai hai,
Hai Guzarish Ki Na Todna Tujh se Jo Ummeed Lagaai hai.

Na Poochho Jhooti Qasmon Se Toota hai Dil Kis Qadar,
Hai Guzarish ki Poori Karna Tune Jo Qasmein Khaayin hain.

Todi Gayi Aas Bandha kar Na Jaane Kitni Baar meri,
Hai Guzarish Qaayam Rakhna Tune Jo Aas Bandhai hai,

Is Chhanni Dil par Banaai Badi Mushkil se Tasveer Teri,
Hai Guzarish Na Mitaana Teri Jo Ye Tasveer Banaai hai.

Mehaz Lafzon Se Izhar-e-Mohabbat To Dekh Chuka Main,
Hai Guzarish Tu Dikhana Ki Teri Baaton Me Gahraai hai.

Rakha Jo Tune Haath Dil pe To Phir se Jee Utha ‘Aatif’,
Hai Guzarish Na Hatana Ye haath ki Isi se To Mujhe Saans Aayi hai.

a Ghazal Composed by Syed Sabah ur Rehman-‘Aatif’,