Category Archives: ROMANTIC GHAZAL

“TERE SEENE SE LAG KE MAR JANE KO JEE CHAHTA HAI”

A Highly Romantic Ghazal

 Title:-“TERE SEENE SE LAG KE MAR JANE KO JEE CHAHTA HAI”

 

Ya khuda Aaj Raat to tujhpe bas Bikhar Jaane ko Jee Chahta hai,

Na rokna Aaj mujhe Ki Hadon se Guzar Jaane ko Jee Chahta hai.

 

Ashqon Bhari Aankhon se kiya is Ghadi Ka kabse Intezaar maine,

Unhin Ashqon se Aaj Tere Daaman ko Bhar Jaane ko Jee Chahta hai.

 

Ye sun ne Ki kya Kehtin hain Tere Dil ki Dhadkane Mere Liye,

Rakh ke tere Seene pe sar kuchh der Thahar Jaane ko Jee Chahta hai.

 

Dikh rahe hain Dilkash Jannat Ke Nazaare Teri Aankhon me Mujhe,

Gar de Ijazat to is Jannat me mujhe Utar Jaane ko Jee Chahta hai.

 

kheench raha hai kis qadar tere Jism Ka Noor teri taraf mujhe,

Aaj to Isi Noor me Naha ke Mujhe Nikhar Jaane ko Jee Chahta hai.

 

Jee chuka hai ‘Aatif’ in chand Lamhon me poori Zindagi Apni,

Ab to bas Laga ke Seene Se Tujhko Mujhe Mar Jaane ko Jee Chahta hai.

 

a Ghazal Composed by Syed Sabah ur Rehman-“Aatif”

Ghazal—>”MERI ZINDAGI ME AAKEY”

Ghazal Title:-“Meri Zindagi me Aakey”

Tune dil me ye Kaisa Ahsaas Jaga diya Meri Zindagi me Aakey,

Mere bikhre Armaano ko phir se Saja diya Meri Zindagi me Aakey

 

  Band ho chukey they meri Ummedon ke Raastey Sabhi,

Tune ek naya Raasta Dikha diya Meri Zindagi me Aakey

 

 Bikhra pada tha Gham ke andhere me na jane kab se main,

tune Chiraagh-e-mohabbat Jala diya Meri Zindagi me Aakey

 

Phir Raha tha Pareshan sa Sahra me Barson se main,

Tune Sahra ko Gulshan Bana diya Meri Zindagi me Aakey

 

Ek khwaab sa Dekha tha maine ki samjhega Mere Jazbaat koi,

Tune Is khwaab ko Haqeeqat Bana diya Meri Zindagi me Aakey

 

Suna tha maine ki Milti hai Jannat Saatve Aasmaan pe kahin,

Tune Ahsaas-e-Jannat is Zameen Pe Karva diya Meri Zindagi me Aakey

 

Socha tha maine ki ab Nahi ho payegi mujhse mohabbat kabhi,

Tune meri soch ko bilkul Badalva diya Meri Zindagi me Aakey

 

Yun to abtak Kiya tha Sajda is ‘Aatif’ ne sirf Khuda ke Aagey,

Par tune Sajda-e-Mohabbat Karva diya Meri Zindagi me Aakey.

 

 

a Ghazal Composed by SYED SABAH UR REHMAN-“Aatif”

My GHAZAL###”TERA CHEHRA”###

TERA CHEHRA

Tere Chehre ke Noor ke Rehtey main Chiraagh Jalaaun kaise,

Mil jaye jo tujhse nazar ek baar to phir Nazrein hataaun kaise.

 

 Lag Na jaye is chaand ki Nazar tujh ko kahin,

Ya rab main is Chaand ki buri nazar se tujhe bachaaun kaise.

 

Na karo Naaz itna khud pe Aey Jannat ki Hooron tum,

ki Ek Hoor Mere Paas bhi hai par tumhe main Dikhaaun kaise.

 

diya hai khuda ne Kis Qadar khoobsurat humsafar mujhe

Nahi Aata Yaqeen main is Dil ko Yaqeen Dilaaun kaise.

 

Yun to mil jayengen is jahan me ek se ek khoobsurat chehre,

Par Baat jo tujh me hai wo Mehaz Lafzon se Bataaun kaise.

 

 

Dhadak raha hai Dil Aise ki goonj rahi hai Awaaz kanon tak mere,

Aa Jao Qareeb Mere Varna ye dhadkane tumhe Sunaao kaise.

 

Kaanp Raha hun main sar se paav tak dekhkar bepanah husna tera,

yun to Bitaani hai Poori zindagi Tere saath,par ye Lamha bitaaun kaise.

 

Jab Aayegi maut bhi to Rok lega ye ‘Aatif’ ek Pal ke liye usey,

Ki Baghair choome Tere chehre ko ek baar Main yun Mar jaaun kaise.

 

Ghazal written by me on SYED SABAH UR REHMAN-“Aatif”

New Ghazal:—> “MERI MOHABBAT KI YE PEHCHAAN HAI”

My New Ghazal:—>”MERI MOHABBAT KI YE PEHCHAAN HAI”

Kya Nahi Kaafi Meri Mohabbat ki sirf Ye Pehchaan Hai,
Ki Khud Ki jaan se Zyaada Pyaari Mujhe Meri Jaan hai.

Shuru me Tere Qareeb Aane se Ghabraata Tha dil mera,
Par Aaj Tujhe Khone ke Dar se ye dil Pareshaan hai.

Pehle Sharm Aaaya Karti thi Tujhse Nazren Milaane me,
Par ab Teri Aankhon me Dikhta Mujhe Mera Jahaan hai.

Ek waqt tha Jab Tera Dedaar Karna Mushkil Hota tha,
Par ab Band Aankhon se Tujhe Dekhna Kitna Aasaan hai.

Pehle Jazba-e-Qurbaani kuchh Adhura sa samjah aata tha,
Par ab Teri Khushi Ki khaatir Meri har Khushi Qurbaan hai.

Ek Daur Tha Jab Nawaaqif Tha Khud ‘Aatif’ apni Mohabbat se,
Par Aaj Meri Mohabbat Ko Dekh Khuda Khud Hairaan hai.

A Ghazal self Composed By SYED SABAH UR REHMAN-‘Aatif’

My Ghazal:—> “KYA MALOOM THA MUJHE…”

My New Ghazal:—>”KYA MALOOM THA MUJHE…”

Kya Maloom Tha mujhe ki Tu Meri Qismat Me Likhi hai,
Shayad Meri Kisi Neki Ke badle Tu Mujhe Mili hai.

ye Khwaaab Nahi Haqeqat hai Nahi Aata ab Tak Yaqee(n),
Ki Sau Aas Toot ke Tujhse Jo Meri Aas Bandhi Hai.

Tera Yun Meri Qadra karna Chhalka deta hai Aansun Mere,
Ki bad Lambe Intezaar Ke is Dil ko Mili Itni khushi hai.

Teri Tareef Karne Baithun To Poora din Guzar Jayega,
Sach kahta hun Ye baat Mere Dil se Nikli hai.

Kin Alfazon me Shukriya Ada karun Khuda ka Main,
Ki Tera saath Pake Kitni khoobsurat ab Meri Zindagi hai.

Hai Haasil ab Tujhe wo Muqaam Dil-e-‘Aatif’ me,
ki Karun jab Ibaadat Khuda ki to Teri Surat Dikhti hai.

a Ghazal Composed By Syed Sabah-ur-Rehman-‘Aatif’