Category Archives: EMOTIONAL GHAZAL

MY GHAZAL “ACHCHHEY WAQT KI KHAATIR” (FOR THE SAKE OF GOOD TIME)

Ghazal Title:-“Achchhey Waqt Ki Khaatir”

 

Apney Kal Ko sanwaarne ke liye Apna Aaj Bigaadna Padta hai,

Achchhey Waqt ki Khatir Pehle Bura waqt Guzaarna Padta hai.

 

Yun to Jeeti Jaati hai Jung Koi Jeetne se hi,

par Aksar Badi Jung Jeetne Ke liye Pehle Haarna Padta hai.

 

Yun hi Nahin Poori Hoti zindagi ki Har Khwaish Kisi ki,

Iske liye Na jaane kaisi kaisi khwaishon ko pehle Maarna Padta hai.

 

Aisey hi Nahin chadta Kaamyaabi Ki Seedhiyaan Koi,

Iske liye pehle Apney Ghuroor ko Nechey Utaarna Padta hai.

 

Gar ban rahin ho Rukawat kuchh purani yadein raah me kabhi,

To un Yaadon ke Pannon Ko pehle Phaadna Padta hai.

 

Yun hi Nahin chhalakta Dard ‘Aatif’ Ki Ghazlon se koi,

Iske liye Pehle KuredKar Zakhmon ko Apney Ubhaarna Padta hai.

 

a Ghazal Composed By Syed Sabah ur Rehman-Aatif

MY new Ghazal—->”SABR”

“SABR”
Baad Sabr ke miley kuchh to kuchh aur Maza hai usey Paane me,
Hote hain Kaafi Kabhi Aansun Bhi kisi Badi Aag ko Bujhaane me.

Idhar Ro-Ro kar Dete hain hum Khuda ke Sabr Ke Imtehaan ko,
Udhar Masroof Rahta hai Khuda Hamare Sabr ka Hisaab Lagaane me,

Chukaata hai Khuda Poori Qeemat Apney Liye sabr ke Imtehaan ki,
Thoda Waqt lagta hai to bas Imtehaan ke Nateeje ko Aane me.

Taraste rahte hain hum Jis cheez ko Paane ke liye Zindagi bhar,
Wohi cheez jab miley to Kitna Maza Aata hai Khud hi ko Rulane me.

Aksar Bheed ke saath bhi mehsoos karte hain khud ko Akela hum,
Par saath ho Jazba-e-sabra to Nahi rahta koi Tanha Veeraane me.

hona chahiye Shukra Guzaar khuda ka Maujooda khushiyon ka hame,
Ki Akasar Muddat lag Jaati hai logon ko zara sa Muskuraane me.

Hai Guzarish Ki de de Sila ab to Aey khuda ‘Aatif’ ke Sabr ka bhi,
ki Kahin Beet na jaye Saari Umar Sabr se hi Rishta Nibhaane me.

A Ghazal Composed by Syed sabah ur Rehman-‘Aatif’

BUY TITAN OCTANE GREY DIAL MEN’S WATCH ON AMZON.IN

81ixzlrqy8l-_ul1500_

My Ghazal–>”QURBAAN HUA”

TITLE:- QURBAAn HUA


Zamaane Ki Khaatir Khud ko bahut Jalaa ke dekha,
Usi zamaane ko Meri Aag se Diye Jalaate dekha.


Hua jab bhi Zikra Dushmanon ka Mere,
To mere Apnon ko mujhse Nazrein Churate dekha.

Nahi dooba koi Ashqon ke Samandar me Mere,
Maine Bekaar hi apne Ashqon ko Baha ke dekha.


Kya karun Nahi Chhoot ti Qurbaa Hone ki Fitrat Meri,
Nahi Maanta ye Dil is Dil ko bahut samjhake dekha.


bhara jis jisne seene me Zehar mere,
Maine usko bhi apne Seene se laga ke dekha.


Aaakhir ban hi Gaya Dil Aaj Patthar ka tera ‘Aatif’,
Ki Sabne Pairon se jo isko Khoob Daba ke dekha.

a Ghazal composed by SYED SABAH UR REHMAN-“Aatif”

Romantic Ghazal###”KAASH”###

My new Ghazal —> “KAASH…..” (a Romantic Ghazal)

Kaash Aisa Ho jaye Ki sochun Tujhe aur Tu Qareeb Aa Jaaye,
Aur phir bataun Tujhe ki Kaise Maine Tere Baghair Din Bitaaye.

Kaash Tujh se Judaai Ka Dard Kuchh Is Tarah se Bahar Aaaye,
Ki Ro Sakun Main Sukoon Se Kaandhey Pe Tere Sar Jhukaaye.

Kaash Kholun Jab Aankh Har Subah To Saamne Tu Nazar Aaye,
Jaanta hun Ye Mumkin Nahi Par Is Dil ko Kaun Samjhaaye.

Kaash Meri Ye Tamanna bhi bahut Jald hi Poori Ho jaaye,
Ki Phailin Hon Baahein Meri aur Tu Aake Isme Sama Jaaye.

Kaash Mere Jism Par Pade Zakhm Kuch is Tarah Bhar Jaayein,
Ki Choomti Rahe Tu Mujhe Aur Mere Zakhm Bhartey Jaayein.

Kaash De Hisaab Taqdeer un Tamaam Aansuon Ka Mujhe,
Jo Tujhe Paane Ki Tadap Me Maine Raat-Din Bahaaye.

Kaash Tere Liye Mere Dard ko dekh Khuda bhi Poochhe ek din,
Ki Aey ‘Aatif’ Kisi Ke Liye Itna Dard Tum kahan se Laaye?

a Ghazal Composed By Syed Sabah ur Rehman-“Aatif”

Ghazal##”LO IZHAAR KAR DIYA MAINE”###

A Romantic Ghazal
Title:-“….LO IZHAAR KAR DIYA MAINE”

Kitni Mehnat se Aaj Puraani Yaadon ko Darkinaar Kar diya Maine,
Utha ke Khanjar Apney hi Kalejey pe Vaar Kar diya Maine.

Kab se Aas Lagaye Baitha tha Is Ghadi ke Intezaar me koi,
Dekhkar Shiddat Uski Lo Aaj khatm wo Intezaar Kar diya Maine,

Nahi Guzaari Ja sakti poori Zaindagi Yaadon ke Sahaare kisi Ke,
Lo Aaj Iske Liye bhi Khud Ko Tayyaar Kar diya Maine.

Chhaai hui thi ek Ajab si Veeraani Zindagi me Meri,
Thaam ke Haath Tera Lo Zindagi ko Bahaar Kar diya Maine.

Hua karti thi Meri har ek Cheez Aur kisi ki Amaanat Kabhi,
Lo Aaaj Apna sab kuchh Tujh hi Pe Nisaar Kar diya Maine.

Na jaane kaise Kar Liya Faisla Tujhe Apna banane ka maine,
Shayad dekhkar Deewangi Teri Aisa BeIkhteyaar Kar diya Maine.

Ab Tak nahi Hone di thi Zaahir ‘Aatif’ ne Apni Mohabbat kabhi,
Lo Aaj Jhuka Ke Sir Apna Tere Aagey IZHAAR KAR DIYA MAINE.

a Ghazal Composed by SYED SABAH UR REHMAN-“Aatif”

“TERE SEENE SE LAG KE MAR JANE KO JEE CHAHTA HAI”

A Highly Romantic Ghazal

 Title:-“TERE SEENE SE LAG KE MAR JANE KO JEE CHAHTA HAI”

 

Ya khuda Aaj Raat to tujhpe bas Bikhar Jaane ko Jee Chahta hai,

Na rokna Aaj mujhe Ki Hadon se Guzar Jaane ko Jee Chahta hai.

 

Ashqon Bhari Aankhon se kiya is Ghadi Ka kabse Intezaar maine,

Unhin Ashqon se Aaj Tere Daaman ko Bhar Jaane ko Jee Chahta hai.

 

Ye sun ne Ki kya Kehtin hain Tere Dil ki Dhadkane Mere Liye,

Rakh ke tere Seene pe sar kuchh der Thahar Jaane ko Jee Chahta hai.

 

Dikh rahe hain Dilkash Jannat Ke Nazaare Teri Aankhon me Mujhe,

Gar de Ijazat to is Jannat me mujhe Utar Jaane ko Jee Chahta hai.

 

kheench raha hai kis qadar tere Jism Ka Noor teri taraf mujhe,

Aaj to Isi Noor me Naha ke Mujhe Nikhar Jaane ko Jee Chahta hai.

 

Jee chuka hai ‘Aatif’ in chand Lamhon me poori Zindagi Apni,

Ab to bas Laga ke Seene Se Tujhko Mujhe Mar Jaane ko Jee Chahta hai.

 

a Ghazal Composed by Syed Sabah ur Rehman-“Aatif”

Ghazal—>”MERI ZINDAGI ME AAKEY”

Ghazal Title:-“Meri Zindagi me Aakey”

Tune dil me ye Kaisa Ahsaas Jaga diya Meri Zindagi me Aakey,

Mere bikhre Armaano ko phir se Saja diya Meri Zindagi me Aakey

 

  Band ho chukey they meri Ummedon ke Raastey Sabhi,

Tune ek naya Raasta Dikha diya Meri Zindagi me Aakey

 

 Bikhra pada tha Gham ke andhere me na jane kab se main,

tune Chiraagh-e-mohabbat Jala diya Meri Zindagi me Aakey

 

Phir Raha tha Pareshan sa Sahra me Barson se main,

Tune Sahra ko Gulshan Bana diya Meri Zindagi me Aakey

 

Ek khwaab sa Dekha tha maine ki samjhega Mere Jazbaat koi,

Tune Is khwaab ko Haqeeqat Bana diya Meri Zindagi me Aakey

 

Suna tha maine ki Milti hai Jannat Saatve Aasmaan pe kahin,

Tune Ahsaas-e-Jannat is Zameen Pe Karva diya Meri Zindagi me Aakey

 

Socha tha maine ki ab Nahi ho payegi mujhse mohabbat kabhi,

Tune meri soch ko bilkul Badalva diya Meri Zindagi me Aakey

 

Yun to abtak Kiya tha Sajda is ‘Aatif’ ne sirf Khuda ke Aagey,

Par tune Sajda-e-Mohabbat Karva diya Meri Zindagi me Aakey.

 

 

a Ghazal Composed by SYED SABAH UR REHMAN-“Aatif”